影帝爭男配林家棟恨集齊獎項

去年勇奪金像獎影帝的林家棟，今年憑《殺破狼．貪狼》入圍角逐最佳男配角。由視圈轉戰電影界足足17年，他指過去努力洗去「電視味」，至近年終獲接納，開始融入影圈大家庭！對於看似「遲來的運氣」，他說：「鬥長命嘛，其實算好好彩喇，逐漸得到大家認同，證明我嘅努力冇白費。我係真心鍾意演戲，獎項只係錦上添花，但每次有機會踏上金像獎紅地氈，都覺得自己好似喺度儲印花咁，相信他朝老咗，呢啲都會係唔錯嘅回憶。」

多年來家棟曾先後三次入圍角逐金像男配角獎，但都落空，他形容當時心情「戚戚然」，而最印象深刻，是頒獎嘉賓曾志偉揭曉的一次，家棟說：「佢揭開信封對住我講：『林家棟……你等吓先啦！』講真，嗰次我真係演得唔好嘅，即使上年攞獎，我都覺得係好彩同有啲奇怪。（都攞咗男主角，今次角逐男配平常心？）唔係冇壓力，想集齊一套嘛！」

古天樂	家棟真心鍾意電影，想挑戰不同崗位的工作。

掛編劇名開新戲

家棟認為每位對手都是好戲之人，至於自己憑甚麼「突圍」，他說：「最大挑戰係全部泰文對白，當時靠死記粗口諧音，泰國工作人員讚我講得有8成似！（冇諗過攞獎致謝詞？）冇呀，到時想講乜咪乜囉！」

而除了幕前外，家棟對影圈其他崗位亦躍躍欲試，當談到今年影帝大熱古天樂，家棟說：「以前同佢演戲，一係擦肩而過、一係得少少交流，對手戲真係唔夠喉。我用咗兩年時間去寫五頁紙嘅故事大綱，同埋搞劇本，今次想人性啲去處理成件事。嚟緊會掛編劇個名去開拍新戲o架喇，同古仔會有大量對手戲，滿足吓我！」

文：影視組

服裝：Ted Baker London

化妝：Esther Huang@J.A.C.K. Factory

髮型：Alex Chan@projetz4/J.A.C.K. Factory