衛蘭每月禁食三日齋飲水

歌手衛蘭（Janice）、林欣彤（Mag）、樂隊Dear Jane、吳業坤及許廷鏗等，前晚現身「饑饉三十」為營友打氣。Janice自爆有每月禁食三日只飲水的習慣，但並非為減肥，而是信仰關係，曾聽聞有朋友連續四十日只飲水：「我都想試吓，不過搵唔到時間，因為驚唔夠精神開工。」
吳業坤（左）及許廷鏗為「饑饉三十」義賣自家產品。
吳業坤（左）及許廷鏗為「饑饉三十」義賣自家產品。

Mag就只讀書時試過「自行饑饉」，認為十分困難：「我試過餓到第二朝細佬喺我身邊食炸雞，嗰吓真係好講意志力，好彩我都算堅定。」她又鼓勵大家傳揚愛心，自己從中四開始助養非洲兒童，至今超過十年：「嗰陣時自己都冇錢，就盡量慳啲，完全唔出街食飯，令到自己冇咩使費。」

衛蘭（左）與林欣彤同台Jam歌。
  • 衛蘭（左）與林欣彤同台Jam歌。