蘇永康勸梁漢文生性做人
歌手蘇永康及謝安琪昨午到九龍灣出席慈善首映。對於好友梁漢文因醉駕被判停牌兩年、罰款及160小時社會服務令，蘇永康坦言：「我傳咗短訊畀佢，叫佢生性做人，今次對佢嚟講都係幾大教訓。至於佢戒唔戒酒係佢個人選擇，都幾十歲人應該清楚自己做緊乜，但我覺得佢首先要踏實咁做好160小時社會服務令先。（以後唔同佢飲？）我唔飲(口架)，張衞健一杯就搞掂，根本冇人同佢飲。（幫佢做心理輔導？）等佢搵我，知佢性格嘅。」
蘇永康又提到囝囝前日開始發燒，加上排洩物「唔靚」，昨日要抱往醫院求診，但相信無大礙：「呢個世界有兩種人一定要識，係醫生同律師，隨時救你一命！明日太太同我都要飛，擔心都冇用，但小朋友成日都會咁，我平日都有打畀謝安琪傾吓湊仔經。」
