新劇未播已入屋 陳家樂唔敢踢拖落街
藝人陳家樂昨日到電台受訪，指主演的無綫新劇《逆緣》將在下周一首播，初嘗「入屋」威力，劇集未正式播，已有很多親友留意到宣傳片，他笑言：「我以前落街好Hea，背心短褲踢拖加一頭亂髮，依家唔敢，執好個樣先落街，連阿媽都畀壓力我，話好多朋友喺電視上見到我，仲話已約晒朋友星期一飯局睇我首播。」
不過，家樂稱當晚要開工，若趕得及收工會去媽媽的飯局：「食唔到都要去埋單嘅。（派女友余香凝做代表？）女友身在日本拍戲，到時佢返嚟香港我陪佢睇重溫。」講到拍劇成功「入屋」，可覺得應早點拍劇？家樂說：「又冇得咁諗，自己拍劇、拍戲都係隨緣。」他最恨拍古裝，因從未試過，想一嘗黐頭套滋味。