陶枳樽齋煮唔洗搵人執手尾

夏天將至，Crz特別為《星級煮意》觀眾準備適合炎炎夏日的開胃冷盤，她表示「紹興醉雞卷」雖然濃味，但不油膩，十分適合一眾愛收身的女士們，而且煮法簡單，易整又好食。

長輩讚有Sense

Crz坦言口味偏向清淡，對滋潤湯水情有獨鍾：「私底下食得比較清淡，所以唔係有好多拿手嘅小菜，平時煮嘢主要都係睇食譜，或者問吓身邊結咗婚嘅朋友嘅意見，但係我就經常煲湯，因為我覺得湯水比較滋潤，可以調理身體之餘又簡單。」

陶枳樽教大家醃製前先在雞扒鎅幾刀，令材料更入味。	用錫紙捲雞卷，望落都幾簡單。	將煮熟的雞卷先過冷河，才拆開錫紙。

雖然Crz入廚年資淺，但「出品」獲一眾長輩好評：「我好鍾意煮嘢食，雖然平時比較少下廚，但有長輩話我煮嘢食有Sense，煮嘢過程唔會太亂，如果有人幫手洗碗嘅話就會煮得多啲，因為我唔鍾意洗碗。」她近年更開始注重健康飲食：「自從考咗個健身教練牌，同埋有營養師監控之後，為咗控制體重，多咗自己煮食，可以控制調味料嘅分量，同埋都想清淡啲。」

今次陶枳樽用上當歸、杞子等藥材，相當養生。	「紹興醉雞卷」相當醒胃，夏天食就最啱！	李錦聯提議改用其他酒以添新意。

李錦聯建議破格換酒

「TVB廚神」李錦聯大讚Crz處理「紹興醉雞卷」過程有條理，建議若想令菜式多一點新意，不妨在藥材及酒等方面略為變化，例如把紹興酒換作白酒或其他甜酒，一改傳統風格。

文：專案組

https://goo.gl/kwf2ib