羅力威操Fit副偈做人夫

羅力威與健身教練胡力威師傅一見面便惺惺相識，更各自分享有何魅力，羅力威自詡非常靚仔：「外表就天生，靚仔就一定，至於才華方面就比較廣泛啲。」胡師傅則笑言自己絕非靠樣貌取勝：「我太太係我初戀，睇我個樣都知，唔會係因為我個樣而鍾意我，我諗太太係鍾意我專注工作。」

師傅讚聽出耳油

愛錫女友的羅力威，早前包辦曲、詞寫下新歌《嫁給我》，作為新婚禮物，感動不少樂迷，胡師傅亦大讚歌曲令人聽出耳油：「首歌好輕快，好有幸福嘅感覺，啲歌詞好冧，我覺得非常適合將來啲人結婚用。」羅力威亦笑指雨僑當然非常喜歡此曲，並希望樂迷都鍾意，感受到幸福的感覺。

體能漸入佳境

健身期間，羅力威在胡師傅指導下漸入佳境，即使過程不容易，但他依然堅持到底，更自爆已添置健身器材在家鍛煉：「我都有興趣，亦發現自己喺操練過程慢慢有進步，本來掌上壓只做到10下，依家可以做11下，身體好啲都係好事。」

開始時羅力威因為未習慣，所以有啲力不從心。	羅力威（右）和胡力威一見如故，惺惺相識。	羅力威今次真係好有決心，相信好快會有成績！

文：專案組

場地：力威健身學院

https://goo.gl/xXddWZ