胡琳「自虐」憶失戀之痛
歌手胡琳早前到冰島為新歌《自遊》拍MV，昨日她到電台宣傳，提到新歌歌詞講述一個女仔同前度分手後，獨自重遊男友以前承諾過要一齊去的地方，她笑說：「其實都幾自虐。（歌名應該叫《自虐》？）都OK喎！成件事都幾淒美，歌詞講咗好多個地方，其中一個係冰島，好多謝填詞人陳少琪，成全咗我去到冰島拍MV。」問到歌詞是否個人經歷？她坦言跟陳少琪有講過：「我未試過自己去旅行，最遠係一個人去南丫島，唔係冰島，不過都係島啫！嗰次係因為分手太傷心，又諗起同前度之前喺南丫島踩單車嘅歡樂時光，其實係幾傷感，但學識咗傷心係要放下，逃避係唔得。」
另外，她提到早前在Fans Page舉行的P圖大賽，將自己在冰島的狼狽相，任由Fans改圖，將自己化成狼人及鐵達尼號的海報，大讚Fans創意無限，故她已準備了自製福袋送給得獎者，福袋十分具創意，裏面有平安膏、止血貼和眼藥水等禮物。