自認似張如城許廷鏗：佢唔靚仔咩？
歌手許廷鏗（Alfred）昨日到新城宣傳新歌《演員的自我修養》，問到覺得自我修養如何？Alfred笑言：「我估應該OK嘅。（牌品好人品好？）咁我牌品都唔錯，都冇打麻雀好耐，打都係同Joyce（鄭欣宜），但佢呢排忙住準備演唱會，副牌要收埋先。」
講到早前網民將他和張如城的相片併在一起，大指兩人極似樣，Alfred忍不住自嘲：「自己睇完張對比圖都笑咗出嚟。（你一向靚仔嚟，唔介意被取笑似張如城？）你哋覺得張如城唔靚仔咩？大家得啖笑咪幾好，真心係似囉，冇得賴嘅！」至於3月27日是好友胡鴻鈞生日，問可有為他慶生？Alfred說：「佢去咗日本過生日喎，等佢返嚟請佢食飯啦！（送咩禮物？）男人之間送禮好似怪怪哋，食飯得啦！」