黃思迦窮追歌星夢
歌手黃思迦（Cga）早前推出全新派台歌《Soulmate》，她指歌曲有盼望的意思。Cga又透露自小喜歡唱歌，但不知道有甚麼途徑可以做歌手：「我學跳舞先，2008年入行做舞蹈員，但我一直好想唱歌，直至2014年，有得接觸唱歌，慢慢就行呢條路。」
Cga坦言「歌星路」非常難行：「一路都捱緊苦，冇錢o架，好彩我有去教小朋友跳舞，夢想呢條路太難行，未有機會搵到錢。」雖然獲家人支持追夢，但Cga卻感到內疚：「佢哋唔知我做得幾長，開頭支持，見我做一年、兩年，仲未有成績，就會擔心囉，佢哋冇叫過我轉行，我更加擔心，覺得好心噏！」她更自爆試過接近零收入：「自己都畀唔到屋企，有啲唔開心，但都要食飯o架，唔係好夠用，得幾百蚊，惟有慳啲同畀啲心機，畀心機做，將來會有成果！」她希望朝住唱作歌手的目標進發。
場地：MioXpace