蔡楓華呻冇人搵拍戲Sing味重

蔡楓華將於4月1日、2日聯同陳秀雯、劉雅麗、葉振棠及李龍基等一班歌手，在伊利沙伯體育館舉行一連兩場《真．經典電視主題曲演唱會》。問到為何答應參與今次群星演唱會，他承認想重拾青春回憶：「當年如《IQ成熟時》、《青春三重奏》都係我唱主題曲同埋做主角，對我嚟講係有好深刻嘅回憶，正正係呢啲歌令到蔡楓華為人所熟悉同走紅。」

講起《青春三重奏》，的確是蔡楓華事業的第一個轉捩點，如今他雖有戲癮，但甚少收到劇本邀約，他笑言：「可能我畀人歌星嘅形象太重！」他憶述當年入行經過，完全是無心插柳，自言是個沒有明星夢的人：「我嘅天分係食呢行飯，歌影視播都得。」

蔡楓華與陳秀雯等將於下月開金曲騷，他笑言可重拾青春回憶。	蔡楓華擁有一班忠實Fans，每年開騷以歌會友。	蔡楓華當年憑《IQ成熟時》等劇集走紅。

申紅館開騷 遙遙「無期」

自2011年回歸樂壇，蔡楓華一直保持每年開個人騷，今年仍尚在計劃中：「暫時要睇邊個場、睇個期同埋各方面配合。唱歌係我老本行，如果你問我有冇信心唱歌，我一定答你好有信心！」他又開到聲最恨開多次紅館騷：「唔止開多次喇！老實講最好就年年有得開紅館，攞唔到期覺得好遺憾！嗰度畀到我一種滿足感，當你喺四面台下面着好晒衫，然後升上台嗰下係好享受，其他場畀唔到。」

文：音樂組

攝：張福宏