郭翠華設計師改做私房菜

本地時裝設計師郭翠華（Ranee）早前與兩位友人合作，投資七位數經營京川滬私房菜。她坦言三人都是飲食界門外漢，一位是髮廊老闆，一位是攝影師，但卻只花了兩分鐘便落實開舖決定，更用了24日極速開業，行動力超強。問到開店緣由？Ranee表示：「我好鍾意煮嘢食，又鍾意新挑戰，想喺2018年試新嘢，衣食住行都試吓！（對生意有信心？）有，因為間舖本身有批熟客，上手唔做，所以我同朋友接手做，加上我哋都有自己嘅朋友會嚟捧場，間舖有少少私房菜性質，因為朋友想食啲乜，我哋都會預備。」Ranee稱雖然三人初次踏足飲食界，但各有做生意的經驗，任何事都親力親為，不但各自獻出拿手的私房菜式，還親自到街市買材料，務求做出優質食品，希望今年內回本。