林夏薇網絡廚神愛心喳咋冧夫

東網巨星節目《星級煮意》今集邀請靚靚人妻兼餐廳老闆林夏薇大顯廚藝，炮製糖水「喳咋」，主要她喜歡豆類食品，可以有美容護膚之效：「糖水可以熱食同凍食，而且屋企整好方便，鍾意唔太甜，可以揀唔同濃度椰奶及分量。」難怪成日見到林夏薇的皮膚都好滑。

反覆練習注意火候

在北京讀大學時已開始自己下廚的林夏薇，最愛由買餸到下廚都是一手包辦的感覺，拿手是住家菜杏仁雞粒，她說：「因為家人鍾意食，我又會煲湯，有時開工攰，大家都可以潤一潤，有時會煮海鮮煲，因為一有新煲出會去研究吓。我煮食會以營養、均衡嘅菜為主。」

林夏薇研究煮食技巧及反覆練習，廚藝昇華，現在講求細節，特別是時間的掌握：「通過自己練習，去試唔同菜款，煮嘢食時間好重要，每道餸好唔好食，掌握時間好重要，以前唔會去留意細節位，依家有經驗，火候同時間都要掌握，我仍然係學習階段，仲要不斷累積經驗。」

林夏薇最愛下廚，尤其喜歡買餸至煮食都一手包辦的感覺。	將所有豆加入煮一小時後，再加入片糖等材料。	材料：眉豆、綠豆、麥米、腰豆、三角豆、紅豆、花生、花奶、椰漿、西米、芋頭、片糖

最有口福的當然是老公莫贊生，林夏薇為老公上網偷師，被老公稱為「網絡廚神」：「佢想食乜，我就去搵、去學，我上網搵相似食譜，再自己調啱嘅味道，所以上網都學咗好多道餸。」

步驟： 1全部豆浸一個鐘、西米浸半個鐘。 2西米放電飯煲15至20分鐘後過冷河。 3凍水落芋頭煮約15分鐘。 4把所有豆加入再煮一個鐘。 5加入片糖、西米、花奶、椰漿，完成。	完成！	杜汶澤指浸豆時間要足夠，煮出來的喳咋才會好食。

阿澤重視浸豆時間

飲食節目主持人杜汶澤認為煮喳咋糖水關鍵在於豆，浸豆時間一定要夠，林夏薇把不同的豆分開浸，好處是不會令到豆混雜味道，眉豆有綠豆味，綠豆有紅豆味，杜汶澤又表示喳咋糖水適合食齋人士。《星級煮意》每集均由不同名人、藝人示範不同中西美食，又有名家提供煮食貼士，大家可透過東網App或東網網頁，隨時隨地欣賞及重溫。

文：名人組

https://goo.gl/TcjAxi