劉浩龍操肌變瘦龍

歌手劉浩龍出席仁愛堂活動，透露忙於籌備下月的演唱會，幾個月不停跑步練氣，又指演唱會未有邀請任何嘉賓，自己「一腳踢」，問會否於演唱會中騷肌？他笑言：「依家都有4舊（腹肌），但未必會除衫。我都有做Gym，教練話我應該係半年完成療程，依家三個月已經有效果，有啲急進。最近睇番彭于晏啲相，見佢由肥仔變咗做型男，我希望可以將肥龍變瘦。」問有否預留門票給前女友容祖兒？他說：「個個都預。（佢會出席？）冇呀，總之個個朋友都話嚟！」問到與祖兒有否聯絡？他即不作回應。