雷頌德驚金句難明唔同「惡黎明」對親家
已有三子的雷頌德出席主題公園活動，笑言將來會叫埋快為人父的老友黎明來玩，說到對親家，他抵死表示怕兒子聽不慣黎明的金句，更說：「咁惡！我個仔做錯嘢咪好大鑊！」至於黎明的前妻樂基兒出席活動時，再度恭喜黎明，並指一直嘗試「造人」，希望一、兩年內做媽媽。
音樂人雷頌德、藝人徐榮與細女包包昨日在海洋公園出席2018「親親動物月」及第23屆海洋公園保育日啟動儀式，雷頌德為海洋公園的歌舞劇作曲及創作3D動畫。談到老友黎明榮升爸爸，他笑說將來要帶埋對方前來一齊玩，有指黎明的新歡阿Wing佗B女，育有仔仔的他被問到可會與對方對親家？他笑謂：「唔好啦！外父太勁啦，咁惡！我個仔做錯嘢咪好大鑊！驚個仔聽唔明佢啲金句！」
讚老友勁 話生就生
他坦言不知道黎明的小孩是男是女，故未準備禮物。問到黎明可有向他請教湊仔心得？他笑謂：「唔使請教啦，佢咁勁，話做爸爸就做爸爸啦！」同場的徐榮與細女包包齊齊欣賞歌舞表演，更指女兒想坐纜車。他表示想多做善事及支持環保，並指現在不用飲管、杯蓋，又會帶飯來減少垃圾。
此外，黎明的前妻名模樂基兒（Gaile），昨日與Ana R.和周汶錡等出席活動，對於前夫將為人父，Gaile再度送上恭喜：「恭喜晒Leon（黎明），都替佢開心嘅，希望BB健康、得意。（有冇打電話或Send訊息恭喜Leon？）冇呀，唔想騷擾到人哋。（有冇好愕然？）唔會，因為每個人都有咁嘅機會。」
指Wing為人友善
她表示認識阿Wing，但不熟，亦讚對方Nice。提到網上有指阿Wing霸道，Gaile說：「唔知呀。（阿Wing曾經同李治廷拍拖？）我喺公司見過Aarif（李治廷），但應該冇囉。」對於黎明提到兩個離婚的人走在一起，Gaile表示認同，認為Timing好重要：「因為我同我老公都係咁，兩個人可以再一次Fall in love，所以好開心。（你係咪準備做媽媽？）一直都有做瑜伽、運動調理身體，一直都嘗試緊，但我同老公成日飛，所以都係順其自然，冇乜壓力，希望喺呢一、兩年內做到媽媽。」又指若將來有BB會考慮減少工作。
提及雷頌德指黎明會是惡外父，Gaile直言：「我唔清楚，但我覺得每個爹哋都錫仔女，所以佢應該唔惡囉。」
文：影視組