高志森：其實佢扭眼瞓

當年擔任《龍在江湖》編劇的高志森，於趕戲期間到片場幫手，對於于仁泰爆他欲以大光燈打李國豪，他表示：「當時我哋真係好趕，得番唔夠一個星期嘅時間就要上午夜場，但套戲仲拍緊，時間逼到要分頭開工，導演搞配音，我就去拍一場監獄戲，不過當我拍嘅時候，李國豪拍乜都一味Say No！喺咁趕嘅時候，又話要討論方法演技，我真係扯火，講一句駁一句，仲要係一啲好無謂嘅嘢，之後我嬲到跳晒佢啲戲份，放佢去瞓覺。其實講到底係佢扭眼瞓想瞓覺，依家講番都覺得啖笑。」