楊埕連踩四日拍劇冇覺瞓
有「清純栢芝」之稱的藝人楊埕（Sabrina），早前因參與內地選秀節目《星星美人魚》及兩套無綫劇，經常中港兩邊走，高峰期連續四日冇瞓覺，認真搏到盡！
在劇集《兄弟》中，她與藝人王浩信、伍允龍、陳庭欣等合作，其中一場戲要食雪糕，連續食了三杯的她寓工作於娛樂：「原本伍允龍話留最後一杯畀佢，但等到畀佢時已經溶晒，所以我食埋。個個冇得食雪糕，我就不停食，仲食足三杯，哈哈！」
Sabrina又透露有次拍戲忘記帶白色毛毛褸，為連戲即時借了臨時演員的白色外套褸頂替：「嗰時好驚畀導演鬧，好彩最後話若隱若現就算，過到關！」自言大頭蝦的她，亦曾因趕時間拿錯其他工作人員的手袋：「跑到上車先發現，原來個袋一直喺車度，好尷尬！」