阿妹床上銷魂晒胸 湯洛雯睇唔過眼想點？
藝人湯洛雯（靚湯）去年9月孖妹妹湯樂瑤（Cass）拍攝短片，意外令Cass成為網民追捧對象！擁有驕人身材的Cass，日前上載一條誘人短片並留言：「Happy Friday」，片中的她穿白色露肩上衣，躺在床上露出迷離表情，豐滿上圍幾乎奪衫而出，網民留言表示鼻血直流，身為家姐的靚湯更留言：「Wei ur ballball shern dim（喂，你個波波想點）」。
網民興奮 靚湯嚇親
靚湯接受本報電話訪問，問到妹妹是否想入行做藝人？她說：「我唔干涉佢，佢有自由，不過佢着衫同我好唔同，佢受外國教育，21、22歲鍾意着性感衫，不過佢本身唔係藝人，只係想Share旅行靚相。」對於網民反應熱烈，靚湯亦坦言嚇了一跳：「佢已經刪除條片，作為家姐都想個妹學業為重，佢讀緊法律，好叻，啱啱攞咗獎學金。」
至於湯鎮業對於姪女Cass大受網民歡迎，同樣認為她應學業為重：「完成大學課程先，年輕人入行見識吓無妨，屋企又唔係等佢養。」湯媽媽則認為細女並非想入行：「佢係鍾意影靚相玩吓，作為媽咪，想佢讀完書先，呢個女有自己想法。」提到Cass身材姣好，湯媽媽說：「佢爸爸屋企嗰邊嘅親戚仔女個個都好高大！」
文：專案組