凌波相識半世紀哭別李菁
有「娃娃影后」之稱的60年代邵氏花旦李菁上月離世，昨日舉行追思會，與李菁相識逾半個世紀兼合作無間的老拍檔凌波專程到場，憶起故友時不禁淚灑當場，她大讚李菁是個好演員，並為她的晚年感難過。
60年代紅極一時的邵氏女星李菁上月被發現暴斃家中，終年69歲。昨日邵氏在香港電影資料館舉行李菁追思會，同場播出李菁榮登亞洲影后的電影作品《魚美人》，不少昔日邵氏藝人也有出席，包括凌波與老公金漢、狄龍與太太陶敏明、姜大偉與太太李琳琳、邵音音等。
邵音音爆故友曾患乳癌
李菁昔日的銀幕好拍檔凌波與金漢現身，當接受訪問時，她悲從中來，忍不住落淚，更邊哭邊說：「覺得佢好可憐，佢係一個好好嘅女主角，同佢合作過好多套戲，見佢咁辛苦咁樣走都戥佢好難過。我同李菁第一套合作就係《魚美人》，最後一套合作係《新紅樓夢》。（對佢最難忘係咩？）佢好聰明，導演叫佢做乜，佢一學就會，一學就到位。真係好難過，見到佢今日咁樣。」
有份為李菁打理身後事的邵音音希望大家開心送別李菁，並指李菁有心臟病，曾做過一次「通波仔」及乳癌手術：「本來睇醫生話佢心臟病好犀利，要即時做多次通波仔手術，李菁話不如過年先，點知最後過唔到年，就喺睡夢中離世，希望佢來世更加好。」
姜大偉憶整蠱舊事
而狄龍亦讚李菁是出色藝人，當年十分美艷，最深刻是曾教他看劇本：「當年佢見我睇劇本好用力，就走埋嚟話：『你咁睇唔啱，唔好睇死劇本，將來成就更加高。』佢為人好開朗活潑，好顧家對媽咪好好。」
至於姜大偉自爆以前很曳，經常整蠱李菁：「成日攞佢啲嘢食同嘢飲，大家合作得好開心，李菁當年好關心大家，成日問大家辛唔辛苦。」
採：影視組
文：名人組