林作老嫩通殺孫仔都唔放過

前大律師林作早前接演了蕭鍵鏗執導舞台劇，該劇前晚於家燕媽媽藝術中心綵緋，向來愛玩的林作撩勻眾拍檔，李美琪及安俊豪更爆對方連吳浣儀都有撩，同樣玩得的吳浣儀則笑言：「係呀，佢叫我介紹女仔畀佢，又問過我嗰三個女，但我話我三個女唔啱你o架喇！咁佢問埋我個孫，哈哈，我同佢講，七個月，仔嚟o架！」

投過票畀張敬仁

向來與港姐甚有淵緣的林作，今次與曾參選港姐的張敬仁合作，原來都有段古！林作指自己首次看港姐便是2013年張敬仁那屆，當時更投了對方一票：「我好少睇電視，第一屆睇就係佢嗰屆，當時見到佢覺得港姐原來咁正，仲有投票畀佢！（咁鍾意有冇諗住追求呀？）演舞台劇用咗好多精神，依家專心做咗個劇先。」

張敬仁搞笑地叫林作考慮選港男。	吳浣儀踢爆林作叫佢介紹女仔。	李美琪大爆林作撩勻所有女演員。

唔夠高選港男

張敬仁直言未認識林作時，曾被對方的負面報道影響而對他印象一般，但認識後則覺得對方只是比較愛說話，性格不錯，還叫林作考慮選港男，搞笑的林作聞言竟一臉歡喜地說：「你玩我嘅！我研究過啲條件，身高應該唔達標。」

文：影視組