撇甩生蛇男友翠如笑蕭正楠長要隔離
藝人黃翠如昨日出席海洋保育活動，透露最近與外國女友人去了不同地方體驗生活，又與家人到杜拜旅遊，期間到沙漠玩滑板及拍照留念。她認為平日五姊妹難相約一起去旅行，所以這次機會十分難得。問到男友蕭正楠生病？她笑指男友與曹永廉非常有緣，因為二人都有「生蛇」，又笑蕭正楠「條蛇」長，她說：「我見過阿廉條蛇，佢發現得早所以好短，唔似Edwin（蕭正楠）咁由後面生到前面。我相信唔喺香港呢段時間，佢哋都好恩愛。」
她又透露想與朋友到馬來西亞兩星期學潛水，是否想撇低Edwin？她說：「係呀！（你隔離佢？）我驚佢傳染我，其實佢好番好多啦！我離開香港後佢就好番，等佢好番之後，我會帶佢去玩。」
攞簽證爆趣事
提及好友梁嘉琪時，翠如直言：「佢去咗旅行，大家有聯絡。（有冇介紹男士畀佢識？）佢好多人鍾意（口架）！可能之前佢太忙。（你自己都好忙，驚唔驚？）要走嘅始終要走，避免唔到嘅，佢（蕭正楠）驚多過我驚。」同場的馬志威表示忙於籌備拍攝ViuTV電視劇，稍後還會拍攝網劇和港產片。他指與女友感情穩定，又喜愛與女友在家中玩「煮飯仔」。
另外，蕭正楠早前往辦美國簽證又發生趣事，由於他天生耳仔貼面，未能符合照片要求見到耳仔，故他想出一個獨特解決方法，用紙巾撐起耳背來拍照，認真搞笑！而另一張相是他笑到嘴歪歪兼留鬚的正面照，不少網民紛紛留言話是反面教材。
文：名人組