結婚十周年洪華孖老公遊泰

模特兒洪華與星級排舞師老公Sunny Wong，早前為慶祝結婚十周年紀念，重臨在泰國度蜜月時的餐廳用餐，重拾溫馨。洪華說：「今次Book咗間好新嘅Resort，住足兩個幾星期，不過可能太新，第一晚喺外面食完飯，原定揸車個半鐘就到，但搵極都搵唔到，半路撞到當地警察幫手，結果都搞咗3個鐘先返到酒店。」兩人每日在酒店做Gym和曬太陽，享受極Hea假期，問有冇收到老公的周年禮物？她說：「Sunny已經成年冇放假，啱啱先搬完新Studio，肯放兩個幾星期陪我，假期就係禮物，唔貪心。」