陳俞希畀阿媽嫌棄諗過退出娛圈
由模特兒轉型做主持的陳俞希（Hailey C.）自嘲生得細粒，當模特兒時試過整個月接不到Job，日日等工開，被媽咪質疑為何整天留在家，令她一度想放棄演藝事業！
模特兒出身的Hailey現時以主持工作為主，她表示以前做Model，常給人花瓶的感覺，直至轉型做司儀，外界才對她有所期望：「望你個角度都唔同咗，對自己要求都會高咗。其實我簽第一間經理人公司已經想做司儀，但未有機會，當時走咗去出寫真，後來有機會參加Now嘅比賽，先入到主持界。」
借宿一宵唔容易
入行一段時間，Hailey坦言想過放棄：「最想放棄嘅時候係做緊模特兒，又未接觸司儀嘅時候，因為冇一個固定嘅薪金，淡季冇乜Job，身高比較細粒，硬照又唔係成日需要你，去到淡季真係可以一個Job都冇。嗰時最閉翳係媽咪會話『你成日都喺屋企，出去做吓嘢啦』，我心諗唔係唔想做，係冇！」
幸好Hailey後來有機會擔任Now的娛樂主播，現時更成為ViuTV主持，憑旅遊節目《借宿一宵》而為人熟悉，該節目已拍到第三季，問到是否借宿沒難度？她表示：「啲網友成日話可以借宿畀我哋，又話靚女肯定好易借啦，但一啲都唔容易！有啲人話『你嚟我屋企，我一定會借畀你』，於是去到第三季，搵番呢個網友，佢就話『都係唔好啦，唔方便』。」
入住「冇掩雞籠」
最令Hailey難忘是曾入住一間冇窗冇門鎖的寓所：「日本岡山有一個叫太婆嘅人，佢屋企冇冷氣冇窗冇門鎖，啲人隨時入到嚟 ，但見佢都係咁瞓，所以我都唔驚。」她又試過住的地方停電，第二天還要捉魚，不過Hailey依然享受過程。
文：專案組
攝：吳文聰
髮型：zap tang@private I
服裝：french connection
場地：窩心鍋