邱芷微食腦唔使出手
藝人邱芷微（前名邱美薇、Chelffy）及陳志忠（Wilson）早前為舞台劇拍攝海報，首次演舞台劇的Wilson大晒結實肌肉，演奸角的他會有不少殺人血腥戲份：「我仲擔任動作指導，角色有打鬥，但武器係廚具、自拍神棍、斧頭，度招嘅時候同以往打功夫諗法唔同，幾新鮮！」
Chelffy則飾演關鍵幕後主腦，毋須耍兩招，但有不少內心戲：「我客串演女主角胞姐，整個劇情係因我而起，係幕後主腦，所以都好重要。（你同Wilson有冇分享演戲心得？）佢開頭有少少緊張，但阿Sir教得好，入戲好快，上次考試佢高分過我呀！」
