陳偉洪慳錢私竇舉鐵
前香港先生陳偉洪，於無綫新劇《跳躍生命線》飾演救護員，大晒鋼條身形，但由於太大隻，拍攝時遇上障礙：「車內空間有限，如果三個大隻佬一齊救人都幾論盡。」因此他刻意減20磅，希望看上去更配合角色。
身形健碩的陳偉洪透露，參選港男前已有做Gym習慣：「我鍾意打籃球，但自己係瘦底，成日唔夠人撞，所以中四開始已經去健身。」他坦言之後有讀體適能教練證書課程，又上網睇片及與朋友交流心得，所以沒再出去健身，留在家中舉鐵：「因為依家啲人開始鍾意健身，出面啲場好多人，自己又鍾意靜，冇出去上健身課程，慳番啲錢喺屋企舉。」