余曉彤與鯊暢泳
藝人余曉彤（Hidy）熱愛潛水，經常參與有關海洋保育的活動。最近她為澳洲海洋地理頻道到古巴拍攝一段與鯊魚共舞的六分鐘短片，宣傳愛護鯊魚的訊息。身穿長裙的Hidy每日在水底20米拍3至4小時，凍到不停打冷顫，更試過失去知覺，並飲了大量海水！但能跟鯊魚與鱷魚近距離接觸，Hidy深感幸福：「最初見到鯊魚食緊其他魚時，都有啲擔心，之後我疑似畀鯊魚追腳趾，又畀成條鯊魚衝過嚟撞開我，令我頭暈咗一陣。但到最後一日，佢哋圍住我游，我覺得好幸福，知道佢哋終於當咗我係一分子。我亦承諾自己唔會食魚翅！」
