張兆輝減產陪乖女留學
向來恩愛的演員張兆輝與太太育有一對寶貝仔女，長得亭亭玉立的女兒張卓姿今年將到外地讀書。去年拍電影和劇集忙不停的張兆輝願意減產，陪女兒到外地讀書，他說：「上年陪家人時間太少，因為囡囡9月去外地升學，我想陪佢去當地適應新環境，為開學做好準備，好大機會留喺外地一段比較長嘅時間。」
女兒是爸爸的「前世情人」，張兆輝講到女兒將離開身邊即感觸地說：「當年囝囝去外國讀書，男仔心態上想佢出去『捱世界』，但囡囡就唔同，女仔要照顧多啲。囝囝去外國讀書都有四、五年，每次放完假送佢去機場，心情都係依依不捨。」
此外，一直保持Fit爆身形的張兆輝被朋友形容為「活力先生」，最愛踢波做運動，星期日（11日）他將以星級大使身份出席慈善運動日。不過，去年因踢波弄傷左腳韌帶的他，被醫生吩咐要好好休養，故只能為參賽者打氣。
文：影視組