簡淑兒苦研西餐「粉」碎惡評

Jessica為東網巨星節目《星級煮意》新一集大顯廚藝，示範簡單又好食的「卡邦尼意粉」，其實她學煮卡邦尼意粉這類西餐，全因曾被嫌棄，所以決心學煮！Jessica說：「讀大學嘅時候，去咗男朋友屋企諗住煮嘢食，當時淨係得意粉、番茄同一啲好簡單嘅食材，咁我就當炒粉咁樣炒啲意粉。因為我整西餐始終唔叻，炒咗一兜出嚟，佢細佬食咗兩啖之後就冇食到，仲話好難食呀，唔想食。」

買餸煮飯零難度

Jessica坦言小時候父母就已經要她下廚，所以較擅長煮中餐：「我爸爸、媽媽煮嘢食好叻嘅，好細個嘅時候就已經教我煮嘢食，我自己都幾鍾意整嘢食，簡單幾個餸嗰啲我都識整。」她說讀書時就已經會去買餸煮飯，實行自己想食自己煮，她更自爆曾為男友準備愛心飯盒：「讀書時因為住宿舍，所以好鍾意買餸返去煮。我都會整畀男朋友食，會幫佢整定飯盒，咁佢就可以帶返工食。」

材料	先用牛油起鑊。	放大圖片

陳倩揚讚熟悉食材

「Cooking Mama」陳倩揚大讚Jessica對每一種食材都相當熟悉，而且步驟相當順暢，相信平時經常下廚。她表示「卡邦尼意粉」能給予心靈或口福上滿足，但經常進食可能會加重健康的負擔。

加入洋葱、雜菌及煙肉，再落少量白酒調味，加入雞湯及忌廉。	待各材料滾起後，再加入意粉，最後加入蛋黃醬及芝士粉撈勻。	陳倩揚提醒簡淑兒這意粉不能多吃。

文：專案組

https://goo.gl/HhCKAn