祖兒「單身」情人節扭擰避講戀情

容祖兒昨日與何超蓮出席「Smile with Us HK一起微笑」義賣福袋活動，希望藉兩人的號召力籌款支援高中聾人學生，台上兩人以手語介紹自己的名字。活動後祖兒受訪，談到農曆新年間去了旅行，祖兒說：「OK啦，成個月唔喺香港，真係好耐冇試過一個人，喺英國有一、兩日自己行，好享受獨遊嘅樂趣。」她表示以半工作性質，分別去了英國看時裝騷，又與李克勤在澳洲開演唱會，之後又到北京演出春晚節目。

自製逾千潤唇膏

記得以往祖兒和男友師兄都有影皆雙去拜年，今年卻連情人節都未有一齊過，猶如變回單身？祖兒大呼：「咩喎！（你情人節都唔喺香港？）情人節？好似唔喺喎。（即你變咗單身？）哎呀，我唔會講(口架)喇呢啲嘢，今日係三八婦女節呀。（使唔使補番數？）補咩？派利是？」問到師兄4月開騷會否去撐場？她就點頭說：「嗯！（即係去定唔去？）一定支持。（煲埋湯？）唔好啦，攞去用啦（指着她自製的潤唇膏），可以內服，潤吓喉。」師兄日前則與抗癌勇士為ViuTV錄影節目。

祖兒和超蓮分別自製潤唇膏和曲奇做慈善。	劉浩龍日前錄影節目大展廚藝。	祖兒即場學習手語。

講到義賣福袋，祖兒跟超蓮出心出力自製小禮物，祖兒表示感謝超蓮讓「容祖兒慈善基金」參與：「自己親自做咗1,700罌潤唇膏，表嫂係研製師，所以叫表嫂教我整，啲潤唇膏係檸檬味，好醒神好潤。」然後望着超蓮說：「第一次整，我嘅第一次獻咗畀你。」超蓮表示和義工整了二千多塊曲奇餅。問到預計籌多少善款？超蓮說：「目標係40萬，係不計成本全數捐出。」

泊車事件無心之失

此外，祖兒昨日到商場，因其七人車在停車場泊在兩個車位中間，被網民討論。祖兒助手回覆指大會預留了兩個車位，但最終用了一架車，而旁邊的車亦泊得太開，司機為方便才這樣泊，若事件令網民及市民不安及誤會，會跟司機溝通，司機亦只是無心之失。

文：音樂組

攝：吳文聰