張智霖高得滯玩滑板撻生「瘀」

藝人張智霖（Chilam）昨晚亦有出席周年晚宴，他表示今次純粹參與盛事，不會自掏腰包搞抽獎。今年工作密麻麻的他最少將拍攝三套電影，坦言希望時間安排得好：「有其他劇本睇緊之餘，今年都想開演唱會，嚟緊都返公司開會睇吓點，條件係要有足夠時間籌備！（預多啲時間操肌？）呢個係其次，係要啲歌迷滿意，之後4月都會開拍公司嘅電影，依家盡情休息、享受吓。（去旅行？）我好鍾意香港，在家千日好。（同囝囝去滑板場？）咁梗係同囝囝去玩，但自己撻到瘀晒，因為我太高，唔係太老，平衡力差少少囉！」