張繼聰床戲呻苦：9個男人圍住我！

張繼聰、鄭欣宜、連詩雅、張建聲、雨僑與hmv數碼中國集團主席蕭定一等，昨晚出席「hmvod成立一週年X原創劇啟動禮」及集團周年晚宴暨雨僑續約儀式活動。老闆蕭定一表示現有的這些網上平台，可跳過廣管條例製作一些突破性演出，包括講粗口情節。其中，張繼聰有份主演的網劇《向西聞記》即場播出簡介片段，內有很多粗口內容，更有他與陳意嵐大膽肉搏的火辣場口！阿聰受訪時說：「粗口內容都要練習一下，呢啲情節喺外國好普遍，都係劇情需要。」他又指事前有跟太太謝安琪溝通，但不鼓勵對方拍這些片，笑言可拍動作片但不可拍愛情動作：「拍嗰陣一啲都唔浪漫！9個男人喺床邊，咁多人圍住我，你哋睇我好爽，但其實攝影師隻大髀喺我床邊咋！」

雨僑收「親生仔價」加簽

有指《向》劇原本想找農夫拍攝，但由於無綫與蕭定一公司的合約糾紛關係，令農夫不能參與，阿聰對此說：「都有睇新聞。（點睇？）用眼睇啦！啱唔啱嘅嘢好難講，唔關我事，自己對拍戲嘅熱誠係唔會高到問套劇會有乜演員。」提到他都是受害者，阿聰說：「唔可以咁講。」

蕭定一領軍出席公司周年晚宴，上下舉杯同慶。	放大圖片	張繼聰問准老婆床戰陳意嵐，拍落一啲都唔好受！

至於雨僑被問到今次簽約多久時，她透露再加簽三年：「因為人生最重要出道嗰十年都喺呢間公司，呢個月除咗簽約畀公司之外，亦都準備好結婚嘅人生大事。」提到開出的條件，雨僑說：「好！好！好！條件與時並進，係一個開心價！親生仔價！（搵老公過檔？）據我所知佢合約仲有一段時間，佢同佢公司合作愉快，工作上嘅嘢分開啲好。」

何佩瑜	周秀娜與何佩瑜密實示人，性感跌晒Watt！	連詩雅與鄭融（右）盛裝撐場。

另外，何佩瑜（Jeana）將與鄭欣宜及連詩雅等拍攝網劇《性敢中環》，問到劇中有否床戲或性感場面，Jeana笑言統統都冇，又指現時沒有追求者，亦不想拍拖。

文：影視組