伍詠薇東京睇樓豪言：成棟買晒！
藝人伍詠薇（伍姑娘）為奇妙電視拍攝節目《四小時生活圈》，到東京做售貨員兼去睇樓！伍姑娘為感受日本文化試着和服，期間驚覺和服店太子爺有幾分似「日版關智斌」，加上店內和服價值連城，最貴的一匹布值4,800萬日元（約350萬港元），是名副其實的富二代！伍姑娘即時無懼嚴寒，脫下外套擺出戰鬥格，向太子爺自我介紹：「我係香港嘅藤原紀香！」逗得太子爺笑逐顏開。伍姑娘更公然向對方示愛：「我愛你！」冧爆太子爺。
當迷你倉都抵
伍姑娘其後出發睇樓，在地產經紀安排下，先到猶如香港中半山地段的青山區睇貴價樓，一個面積約1,000呎單位，售價約1,700萬港元，平過香港一大截，搞到伍姑娘都心思思。
當轉到新宿區睇中古樓時，伍姑娘得知樓齡已有48年時即笑言：「層樓同我一樣咁大，但佢冇我保養得咁好，哈哈！」雖然略為殘舊，但價錢吸引上車一族，一個323呎單位僅賣100萬港元左右，於香港連一個車位都未必買到，所以伍姑娘豪言：「我想成棟買晒！用嚟租出去又好，當買個迷你倉喺東京都抵啦！」
文：影視組