黃又南從未怨恨過父親

組合Shine成員黃又南出席「萬希泉X黃又南」陀飛輪手錶發布會，並首次以設計師身份亮相，又南透露設計以父子情為主題，其父因為生意失敗令他孭上巨債，但他從未怨恨過父親：「我對親情有好大感受，家庭係我嘅推動力。所以我諗到用時針和分針變成兩個人，就好似人生，小時候拖着爸爸嘅手，長大後都有自己嘅路，當中嘅技術性問題都花咗好長時間去解決。」又南指昨日是媽咪的生日，她要照顧患上腦退化症的爸爸，才未能隨他一同出席。