孖溫碧霞談情方中信：加埋成百歲人
藝人方中信、林峯、譚耀文（阿譚）與張繼聰等，日前到佐敦拍攝英皇網劇《PTU機動部隊》，現場出動兩輛警車及一輛救護車。穿上整套制服的阿峯相當醒目，吸引不少街坊一睹「峯」采！「型佬」方中信與阿譚的制服Look同樣型格，眾演員一Cut機即圍起來「雞啄唔斷」。方中信事後接受電話訪問，再拍劇的他指今次比想像中舒服，因能夠準時收工。問到拍劇難忘事，他透露是與溫碧霞有感情線，笑說：「兩個人卿卿我我，加埋成百歲人拍呢啲戲！」今次演警員的他又說：「着住套制服都要正經啲，一Cut機即刻着番件外套，費事畀人覺得行為不檢。」
方中信透露將劇接戲，繼續與阿譚及好戲之人鮑起靜、廖啟智等合作一部法律主題電影，3月17日55歲生日的他只請得一日假，問到生日願望，笑言：「當然係身體健康，我睇中咗部靚車，不過係限量嘅，希望買到啦。」同場的阿譚演PTU小隊隊長，提到稍後與方中信拍電影，他說：「同方中信真係好有緣，我對上一次演律師已經係《壹號皇庭III》，好期待同方中信喺法庭針鋒相對。」
