劉美君除剩Bra -4℃玩瑜伽
曾奪金馬影后、去年底又開「Karma Chameleon千色演唱會」的劉美君，雖然當時與拍拖8年的男友分手，反而令她明白自己真的熱愛唱歌及演戲，故她決定長時間留在香港，再度為事業衝刺，但被好友梁家輝潑冷水：「睇下點先啦！」因她過往愛情至上，每次事業上位時竟為了愛情離開香港，令其唱片公司環球同事都不敢相信。
決心衝事業
劉美君說：「我明o架，啲老友好似梁家輝成日都話我，每次有好成績時，我為咗拍拖又走咗去，唔喺香港，啲觀眾梗係覺得疏離啲。」早前她到英國旅行時遇上大風雪，氣溫只得零下4℃，但她挑戰極限，僅穿運動Bra Top在戶外雪地做瑜伽，為的是給外界看其決心！問到之後有否冷親？她得戚說：「一滴鼻涕都冇，健康到不得了，唔好話我自豪，哈哈！」
感激子女支持
劉美君又透露子女的支持是一大動力：「我啲仔女都話媽咪『我哋都大咗，唔使你照顧，你可以去盡啲搵你自己鍾意嘅嘢』，真係好Touching。」
文：音樂組