鄰居晨早噪音 囝囝嚇醒 葉翠翠再報警哭訴抑鬱
懷有五個月身孕的藝人葉翠翠，近日備受鄰居噪音滋擾，令她與未足一歲的兒子不得安眠，向管理處反映無效後，上星期她在忍無可忍下決定報警，警方雖有向翠翠鄰居作出勸喻，可惜噪音情況依舊。昨晨7時許，噪音再次把翠翠兒子弄醒，翠翠在無計可施下再次報警。
翠翠昨接受電話訪問，直言噪音已令她情緒出現問題：「今日晨早啲噪音又出現，BB嚇醒喊得好厲害，我即刻衝埋去睇，真係好心痛！長期係咁，用咗好多方法都解決唔到呢個問題，惟有再次報警，希望警方可以幫到我！（係點樣嘅噪音？）開頭以為係裝修，但最後發現係執屋嘅聲，大力拉櫈掟嘢咁，好困擾！」翠翠因長期受到噪音滋擾，加上擔心兒子睡眠不足所帶來的影響，已患了焦慮及抑鬱症：「醫生叫我盡量放鬆，但依家咁嘅情況，真係好難，我啱啱都喊過，因為用咗好多方法想去解決，但都解決唔到，真係好無助。」
望鄰居有惻隱心
翠翠想了很多方法希望解決事件，除向管理處、警方求助外，亦曾想送部靜音吸塵機給對方以表誠意，昨晨亦曾致電環保署希望得到協助，當然也想過搬屋，不過她稱以現在的情況，很難做到這一步：「我成間屋好多嘢，我又就生，仲可以去搵屋、執嘢嗎？」
當然家人的支持很重要，翠翠一提起老公的愛護，即哽咽起來，哭着說：「佢真係好擔心我，返工都喺屋企出出入入，唔想出去，我都好內疚令佢咁擔心，但因為啲噪音影響我個仔同埋亦會影響到我就快出世嘅BB，所以我真係好難唔緊張同心痛，希望佢哋（指鄰居）有惻隱之心，可憐吓我大肚同BB，執屋細力少少。」