肥媽教煮貴價菜6號打包冧女
藝人肥媽及陸浩明（6號）拍攝新一輯飲食節目，肥媽透露會一改節目風格，教觀眾以貴價食材炮製佳餚，更大爆6號又食又拎，「打包」美食回家冧女友。
肥媽（Maria Cordero）及陸浩明昨日到觀塘拍攝無綫新節目《食好D 食平D》外景，二人即場推介黑松露新產品。肥媽表示平時都會用黑松露下廚：「依家啲主婦屋企都有樽黑松露醬，但今次我哋就有松露蜜糖同松露牛油。」
說到新一輯節目的特色，肥媽透露會炮製更多名貴菜式，笑說：「食咗咁多集平嘢，仲唔食番餐好嘢咩？今輯會品嘗鮑參翅肚，貴嘅材料但係自己煮，咪平好多囉！」她指其實菜式不是太難煮，笑言在家都可以煮出米芝蓮菜式。
訓練觀眾做大廚
問到6號可有從肥媽身上「偷師」，親自為女友下廚？他笑言會叫女友睇節目學煮給他吃，身旁的肥媽即踢爆：「佢打包走o架！」6號解釋：「我食完返去話好食又食到好飽，佢上一輯話如果好味就打包返去。」肥媽聞言大讚6號對女友有心。此外，6號透露今輯第一集已經食溏心鮑魚，笑言是訓練觀眾成為星級大廚。
文：影視組