何嘉莉邊湊仔邊做KOL
藝人何嘉莉前晚為無綫節目《流行經典50年》錄影，她表示雖然愛唱歌，但無意重返樂壇：「依家簽番公司都係做KOL（網絡紅人），分享Keep Fit、扮靚、親子同埋時裝。（唔打算做歌手？）可以咁講。（依家）我可以邊照顧小朋友邊拍嘢，我呢啲年紀做唔到歌手啦！」
薛家燕自誇「長命」事業線
同場的薛家燕表示對客席主持古巨基十分滿意，今年6月娶新抱的她，笑言被兒子石耀庭「投訴」：「我件衫有少少登基Feel，個仔都有同我講，話唔係我結婚，唔使咁爆，但難得請咁多親戚朋友要着靚啲。（晒事業線？）我有事業線，仲好長添！已經成60年，多謝你哋咁欣賞。」
