林芊妤變身「魔鬼」要杏兒受苦

藝人林芊妤（Coffee）昨日與譚小環在深灣遊艇會出席美容活動，她透露最近教胡杏兒做瑜伽，更被杏兒稱為「魔鬼教練」，她笑說：「佢生完BB後啲筋有啲緊，同埋想瘦身，但係上堂見到佢，我心諗佢已經好弗，嚟搵我做乜，可能佢想去到Perfect地步！（網民質疑杏兒筋骨柔軟係改圖？）冇P圖！啲相係我影，杏兒好勤力、好捱得、好受得苦，上我堂幾辛苦！佢好快上手，好有興趣教佢一啲高難度動作，好有滿足感。（有冇教男友瑜伽？）冇，呢排好忙，大家比較少見，教杏兒之後多咗好多學生。」