心穎2019嫁？心美：放長雙眼睇

昨晚有不少圈中人現身婚禮，包括黃心美、龔嘉欣、陳柏宇夫婦、JW及男友Tarzan及何傲兒等，其中心美帶同二妹黃心妙一家到賀。談及父親自爆家中將有喜事，令人懷疑黃心穎出嫁？心美笑說：「係三妹黃心慧10月尾結婚！有相士話心穎2019年結婚，就放長雙眼睇！如果到時唔係，就剝相士棚牙！」
黃心美抱着二妹的女兒，母愛氾濫。
黃心美抱着二妹的女兒，母愛氾濫。

而樂隊Dear Jane主音Tim（黃天翱）是兄弟團之一，問其太太楊洛婷有否計劃追仔？她笑說：「日日都諗，睇佢有冇時間啦！」Tim即抵死地說：「係睇時間，力我就一定有！」並透露有相士指她與丈夫肖雞，生豬仔最旺，所以今年要忍一忍。而陳柏宇被問會否跟林奕匡鬥快做老竇？他笑說：「佢哋未有生B計劃，係都會係我哋先！」老婆Leanne即搞笑地責備他大口氣。

Tim自誇有心有力，太太楊洛婷忍不住笑。
  • Tim自誇有心有力，太太楊洛婷忍不住笑。
陳柏宇偕太太到賀。
  • 陳柏宇偕太太到賀。
龔嘉欣以閃閃短裙騷美腿。
  • 龔嘉欣以閃閃短裙騷美腿。