英國著名男星加利奧文（Gary Oldman）得償所願獲封奧斯卡金像影帝，而前妻Donya接受訪問時寸爆「贈㷫」！Donya於2001年爆料指與加利結婚期間曾在子女前被對方用電話襲擊及箍頸，後來報警求助。如今加利獲奧斯卡，Donya寸爆：「我真係恭喜你呀！加利！同埋恭喜大會頒奧斯卡獎座獎勵兩個虐待狂。我以為我哋已經有所改善。說好嘅＃MeToo運動呢？」據知她所提及的另一虐待狂正是憑監製的動畫短片《Dear Basketball》獲最佳動畫短片的前NBA球星高比拜仁！
2003年，高比曾涉強姦一名19歲的酒店員工而被捕。當時已婚的高比承認與該員工有發生性行為，但他以為是兩廂情願下進行。最後因該員工拒絕上庭作證，案件於2004年被撤回。而曾有傳高比支付對方4,000萬港元作賠償才甩身，不過及後高比否認用錢擺平事件。
除了前妻之外，網友亦在社交網批評加利獲獎。有網友留言說：「奇怪就係加利奧文唔多謝佢嘅宣傳人員保守佢家暴指控嘅秘密。」
另一方面，今屆奧斯卡收視持續下滑，由去年約3,290萬觀眾收看，跌至今年約2,650萬觀眾，大跌20%！有指收視下跌原因是Jimmy Kimmel主持得唔夠吸引，加上觀眾收看奧斯卡習慣已由電視改為網上或手機收看。