藝人陳炳銓、黃奕晨、羅伊婷及趙詠瑤等昨日到旺角宣傳ViuTV的世界盃遊戲節目《全港的》，陳炳銓表示早年愛運動，但因多次腳傷而專注演藝工作。對於被拍到與女友李佳芯行街時使費由女友埋單，他說：「平日出街都唔係次次AA制，大家過得舒服就得。（係咪收入上繳畀女友？）我會有幾多錢呀？」而羅伊婷及趙詠瑤被問到是否為靚仔球員才接觸足球？兩女直認，羅伊婷更笑說：「我鍾意運動型、黑啲陽剛啲！」趙詠瑤聞言即笑說：「係咪因為體力好啲？我反而鍾意青靚白淨！」
