岑麗香變巴渣女犧牲大
藝人陳煒、岑麗香、馮盈盈、黃浩然及楊明等，昨午在將軍澳出席無綫新劇《果欄中的江湖大嫂》宣傳活動，陳煒即場耍拳，又拋蜜瓜給拍檔黃光亮用腳踢開。岑麗香則以貼身低胸裝配高衩裙現身，相當搶眼。
香香受訪時被笑指低胸搶鏡，她說：「我為呢套劇犧牲好多就真，角色造型需要戴眼鏡，我拍嘅時候一日戴十幾粒鐘，搞到視力差咗，要搵時間驗眼！」她笑指今次性感戲份交給馮盈盈負責，自己則改戲路扮「巴渣女」，經常教訓黃浩然。談到好友鍾嘉欣再次懷孕，香香開心地說：「知佢佗得比上次辛苦，幫佢祈禱。（人哋第二個喇！）我會繼續努力，但要睇上天安排。」
陳煒為打戲學蔡李佛
陳煒則笑指自己是動作演員，劇中與黃光亮有不少武打場面：「開拍之前公司安排我跟何佩珉學一套蔡李佛拳，以應付其中一場重頭戲。」
至於被指有性感演出的馮盈盈則澄清：「最性感演出其實係王卓淇，佢有泳衣戲。我同楊明有場勇闖時鐘酒店嘅戲，原本以為可以趁機去見識，點知最終只係廠景。（同楊明有愛情動作戲？）係動作戲，不過只係我打佢。」
文：影視組