鍾欣潼唔認蠢豬：單純啫！
「女神」鍾欣潼（阿嬌）為東網巨星炮製的節目「海馬牌床褥特約」《閨蜜睡房》擔任嘉賓，與主持李惠儀（Kiwi）大談感情世界，又大玩快問快答。問到合稱「龍虎豹」的阿嬌、蔡卓妍（阿Sa）及容祖兒中誰人最蠢豬？阿嬌笑指祖兒最大懵及失魂，但最蠢的應是自己：「其實我唔覺得自己係蠢，係單純啲啫，我個人好直，成日得罪人，大家就會覺得我死蠢，但我入行時同自己講話我唔想變，所以啲人點話我蠢、笨、鈍，都由得佢囉，做自己最重要。」但她則大讚阿Sa聰明。
靠未婚夫治失眠
阿嬌又透露有失眠問題，但之前在台灣醫生未婚夫賴弘國的醫務所卻「瞓到癲咗」，因那裏有部幫運動員康復的機器，她在機器內瞓覺後，感覺舒服很多：「護士都叫唔醒我，男朋友孭番我出嚟，有護士問『賴醫師你老婆很喜歡睡覺的嘛？』」
肖猴的阿嬌又帶同猴子公仔上節目，但稱睡覺時不會攬住它，只會放在旁邊，更放閃光彈說：「因為已經有人攬。」想知阿嬌還有甚麼睡眠習慣？記得上東網App或東網網頁重溫一連三集的《閨蜜睡房》！https://goo.gl/BLudpX