吳浩康唔記女友生日 甩拖衰冇心肝
吳浩康入行以來女人緣不絕，但他卻是位不稱職男友，自爆常忘記女友生日且不會補祝，如此冇心肝，難怪近日又傳跟拍拖一年的酒樓太子女李昭南（Michelle）情海翻波。
英皇藝人吳浩康（Deep）、衛詩雅、湯怡及楊受成太太陸小曼昨早齊主持「登山善行」開步禮。近期傳跟女友Michelle分手的Deep，未有清楚交代情變一事，但就稱很「大頭蝦」：「經常忘記女友嘅生日，自己對女性好重視嘅節日都冇乜概念，所以會唔記得。」問到可試過「補鑊」氹女友？他笑笑口說：「記憶中冇試過為自己唔記得嘅嘢而補償過。」
湯怡跑山追猛男
其後Deep再接受電話訪問，被問到跟Michelle是否已分手？他稱欲將感情事低調，因關乎兩個人的事。至於現時是否單身，他說：「我同佢仲有聯絡，依家磨合緊。（係咪衰冇記性？）唔係，我講緊對以前啲女朋友啫！」
至於跟洪卓立相愛11年的湯怡亦說很大懵，連男友今年生日也竟忘記訂蛋糕，不過有後補，自己亦不介意男友忘記了她的生日，兩人過得簡單已開心，更隔空示愛：「最緊要個人喺隔籬。」湯怡又指男友跑得不夠她快，所以換「追」其他跑山猛男：「追仔都OK嘅，不過行山就會（同洪卓立）一齊。」
衛詩雅冇錢返歸
衛詩雅則稱試過沒帶任何隨身物品跑山，但落山時迷路，惟有截的士再問司機借電話打回家，最慘媽咪又不在家：「叫司機等我入屋攞錢畀車費，自此唔敢再兩手空空行山。」
文：音樂組