Twins踩場同Shine「開拖」
組合Shine一連兩場紅館《SHINE Moments Live2018》演唱會前晚圓滿結束，尾場請來Twins和at17當特別嘉賓，不過，Shine對嘉賓照樣口不擇言「冇面畀」。at17先上台，林二汶老實不客氣問：「點解我哋開騷時你哋唔嚟做嘉賓？」Shine直言：「你哋冇請我哋，同埋嗰時唔熟吖嘛！點解依家開騷請你哋，就係因為熟囉。」紅館大螢幕播出四人舊照，at17笑兩人樣子不變，身材（肌肉男）就變了！
Twins在Encore環節與Shine合唱《明愛暗戀補習社》全場氣氛熱爆，黃又南即玩踢爆：「記得阿Sa（蔡卓妍）話我哋落車時唔同佢打招呼。」阿Sa即說：「嘩，你個人都幾記仇、好心胸狹窄呀！」阿嬌（鍾欣潼）亦認同阿Sa所說「記仇」，阿Sa不認耍大牌說：「我懷疑我根本冇講過，係咪你屈我o架！」引來全場爆笑。
阿Sa又自爆天佑樣子似足其初戀男友，阿嬌讚徐天佑這晚樣子勁似郭富城，阿Sa即笑道：「即是話我初戀男友似郭富城？」因反應熱烈，最終兩度Encore才完場！台上的又南自言擔心會有演唱會失落症，提議和觀眾到紅館外唱通宵，天佑即叫又南「咪亂講」要「找數」呢！另外，又南的前度女友杜如風睇足兩場，頭場以「黃藍色」造型明撐又南，尾場則穿上Shine演唱會制服全程在台下跟住跳，果然「好兄弟」。
