46歲蘇格蘭男星伊雲麥格高（Ewan McGregor），月前撻着合演迷你劇《雪花高離奇命案》（Fargo）的33歲拍檔Mary Elizabeth Winstead，與結婚22年並育有4個仔女的51歲老婆Eve離婚。
被封「賤男」的他早前在金球獎封視帝時，公然與Mary攬咀晒恩愛，上台又情深多謝她與Eve，引來網民熱議。不過好景不常，近日有指Mary難忍被大眾封為拆散別人家庭的「小三」，且因為戀情而大感尷尬，最後決定分手！知情人士指：「其實都幾可悲，因為伊雲一年前同老婆感情好好，之後佢就決定為咗Mary而放棄婚姻，依家睇嚟佢兩個都冇晒。」Eve回應事件時表示未有聽聞二人的「分訊」，至於伊雲與Mary都未有回應。