胡蓓蔚推波助瀾黃智雯3吋事業線任𥄫

藝人黃智雯、姚子羚及胡蓓蔚（豹嫂）昨午悉心打扮出席賀年活動，智雯一身鮮紅低胸裙，3吋事業線盡現，搶盡「峰頭」，子羚見狀笑謂：「三個女人一個露！」豹嫂即接着說：「係三個女人一個凸呀！」原來智雯這身性感打扮，是豹嫂「推波助瀾」負責畀意見。智雯笑說：「我好信我好姊妹嘅眼光，網購揸唔定主意，會問吓佢哋。」豹嫂笑說：「智雯Carry到喎！係健康性感，以前子羚有料，依家輪到智雯，佢套劇《三個女人一個「因」》出街嘛，梗係要賀一賀佢！」

珍藏姊妹性感相出書

豹嫂更自爆近期與「胡說八道會」好姊妹出遊時，自己經常充當攝影師，所以珍藏不少性感靚相：「好似我幫李施嬅影過性感比堅尼，感覺好純真，我想發社交網，但被佢阻止，話太性感喎！我即刻傳番張子羚嘅靚相畀佢，然後留言：『呢啲先係超性感！』」豹嫂揚言會陸續儲起好姊妹的性感照，不排除日後推出攝影集。而在台上被問狗年願望時，豹嫂不諱言：「我希望我啲好姊妹個個快啲做人妻！」認真Sweet！

胡蓓蔚（右起）、姚子羚同黃智雯咁好姊妹，當然不介意被搶「峰」頭。

黃智雯俯身寫揮春，夠晒養眼。

子羚兩被日交警截停

此外，子羚日前與龔嘉欣出走沖繩，作三日兩夜的短遊，返港後心情愉快，並自爆瘀事：「三日被當地交通警截停兩次，我哋唔識日本啲道路守則，轉彎時打錯燈。雖然冇罰錢，但每次要停車用身體語言溝通。」

文：影視組