腳患復發 肚皮生蛇 曹永廉趕劇唔請假
正忙拍攝無綫新劇《包青天再起風雲》的曹永廉，被老友蕭正楠踢爆肚皮「生蛇」。他昨日接受訪問時笑指，現時患處情況不算太差：「依家都係好細條啫，事發到依家約四、五日，食咗藥，有少少痛咁，我到第三日先去睇醫生，因為阿蕭之前生過蛇，影咗相畀佢睇，佢都話似叫我睇醫生。（佢話會傳染，唔會過廠探你。）佢條蛇依家冬眠啫，夏天好快就出返嚟。」
阿廉表示除了肚生蛇外，早前腳部接受啫喱瘤切除手術，但近日不幸復發：「好快又生番，可能係太勞損，所以依家每日都要自己篤穿佢，擠番啲啫喱出嚟。冇計啦，做手術要休息三、四日，套劇又趕，之後仲要返內地。（請假休息？）我冇冧廠o架，我呢啲老一輩演員唔敢。（太太照顧？）邊有得搞，呢啲要靠自己食藥。」