梁嘉琪避談舊愛放話等人追
電台監製金志堅（阿金）早前疑背拍拖四年的藝人梁嘉琪偷食，小三更疑懷上他的骨肉，之後嘉琪宣布與阿金已分手。昨日嘉琪出席活動時未有透露太多分手詳情，但直言：「唔知件事（小三懷孕）係唔係真，但有報道前我哋已經分開咗！」又表示Ready迎接新一段戀情。
剛宣布甩拖的藝人梁嘉琪，昨日以短裙示人，與何廣沛出席商場的賀年活動，心情未見受影響。對於電台監製阿金爆出有小三兼小三疑似懷孕的報道後，嘉琪便於社交網留言「已一個人上路」來宣布與阿金已分手，昨日問嘉琪現時的心情？她直言未有大起伏，至於可有與阿金聯絡？她說：「其實我從來都冇乜點交代感情，今次都收到好多朋友關心，但係要講嘅嘢已講晒，私人嘢唔想公開講，呢個先係真實嘅自己！」
何廣沛被催婚
談到阿金的小三疑懷孕一事，嘉琪說：「唔知係唔係真，但有報道之前，我哋已經分開咗！」她未肯透露何時分手及原因，至於是否因小三大肚而分手？她說：「感情嘢唔係一兩句可以講晒，而且我從來好少講自己嘢！」問到現時有沒有追求者？她即笑謂未有，但已準備投入新戀情。
同場的何廣沛則表示拜年時有被親友追問與朱晨麗的緋聞，又指婆婆向他催婚，令他定下35歲前結婚生仔的目標。
文：影視組