囡囡扭抱嗌媽媽吳若希勁傷心

歌手吳若希昨日出席新年活動，與財神派優惠券給現場觀眾。她透露早前帶囡囡返故鄉福建探親：「帶佢去見我嘅爺爺嫲嫲，佢哋第一次見囡囡，見到精神即刻好番好多。」她又稱近日囡囡不停叫「媽媽」，但大呻：「佢淨係發脾氣同要人抱時先叫媽媽囉，平時自己玩就叫爸爸，好傷心！同埋我返咗鄉下，我阿爺阿嫲話個女好似佢阿嫲，即係我奶奶，我仲傷心，因為唔似自己，但奶奶聽到呢番說話勁開心。」